ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ ەلدەگى ينتەرنەت ساپاسىنا ءوز باعاسىن بەردى. ونىڭ ايتۋىنشا، قازاقستاندا ينتەرنەتتى پايدالاناتىن حالىقتىڭ ۇلەسى دامىعان ەلدەر دەڭگەيىندە. بۇگىنگى كۇنى بۇكىل الەمدە ينتەرنەتتى تۇتىنۋدىڭ قارقىندى تۇردە وسكەنى بايقالادى. قازاقستاندا 2020 جىلعا قاراعاندا ترافيكتىڭ ءوسۋى 61،5 پايىزعا، ال ابونەنتتەر سانى 12،9 پايىزعا وسكەن.

«Speedtest Ookla-نىڭ 2024ء-شى جىلعى ساۋىردەگى دەرەكتەرىنە سايكەس، قازاقستان 43،62 مبيت/س ورتاشا ينتەرنەت جىلدامدىعىمەن 66-ورىندا (رەسەي، قىرعىزستان جانە وزبەكستانعا قاراعاندا جوعارى)» – دەيدى ول.

"مەن توكيونىڭ جىلدامدىعىن ولشەگەن ەمەسپىن. ماعان ەڭ ماڭىزدىسى — قازاقستانداعى ينتەرنەتتىڭ جاقسى بولۋى. سول ءۇشىن جۇمىس ىستەيمىن"، — دەدى مينيستر.

تىلشىلەر ۆەدومستۆو باسشىسىنان ەلدەگى ينتەرنەتتىڭ قازىرگى جىلدامدىعىنا قانداي باعا بەرەتىنىن سۇرادى.

"ينتەرنەت ساپاسى جاقسى جەرلەر دە بار، ورتاشا جەرلەر دە بار. ساپاسى تومەن جەرلەردى تەكسەرەمىز دە، جاقسارتۋ ءۇشىن جۇمىس ىستەيمىز"، — دەيدى مينيستر. 

سونداي-اق، "ينتەرنەت ساپاسىنا كوڭىلىڭىز تولا ما؟" دەگەن سۇراققا دا مينيستر:

"نازارعا الىپ، جۇمىس ىستەيمىز، ءبىراز ماسەلە بار" دەپ جاۋاپ بەردى.